DIE SENTRUM VIR MISTIEK

Die Sentrum vir Mistiek is ‘n nie-winsgewende organisasie wat bestaan vir die bevordering van die bestudering en verstaan van mistiek en die historiese en huidige betekenis daarvan.

Ten einde hierdie doelstelling te bereik ...

• verstaan die Sentrum dat ‘mistiek’ die volgende dimensies impliseer:
• verligte wysheid en insig
• helderheid van emosies en wil, en
• klaarheid van universele welwillendheid en milddadigheid

• verstaan dit mistiek as gedeeltelik oorvleuelend met die terreine van religie, wetenskap, filosofie en esoterika

• respekteer dit alle historiese uitingsvorme van die mistiek

• aanvaar dit dat die mistiek in die basiese konstitusie van die menslike spesie gewortel is

• neem dit die bymekaarkom van alle historiese vorme van mistiek in die wêreld van vandag en môre in oop, vriendelike en kritiese gesprek waar, en bevorder dit

• neem dit deel aan ‘n gesprek met die wetenskappe (die natuurwetenskap, psigologie, sosiologie, geskiedenis, ensovoorts)

• versprei dit inligting oor verbandhoudende literatuur

• organiseer dit samesprekings, konferensies, ensovoorts

• dra dit by tot die ontwikkeling van ‘n breë, insluitende historiese raamwerk vir die verstaan van mistiek

• dra dit by tot teorievorming oor mistiek